Gikumpirma sa Bureau of Immigration (BI) nga ang kanhi Department of Public Works and Highways (DPWH) Secretary Manuel Bonoan mibalik na sa Pilipinas gikan sa Taipei, Taiwan.
Sa usa ka pamahayag, ang BI miingon nga si Bonoan miabot sa Ninoy Aquino International Airport (NAIA) gahapon Domingo, Enero 18, sakay sa usa ka China Airlines flight gikan sa nasud.
Dugang pa, nga ang kanhi kalihim walay kauban sa dihang mibalik siya sa Pilipinas ug si Immigration Commissioner Joel Anthony Viado mipahibalo dayon sa Department of Justice (DOJ) sa pagbalik ni Bonoan alang sa dugang nga mga lakang sa pagsulbad sa mga isyu nga may kalabotan sa mga anomaliya sa pagkontrol sa baha.
Kahinumduman nga si Bonoan gibutang ubos sa BI Lookout Bulletin Order subay sa mando sa DOJ, tungod usab sa mga isyu nga naglibot niining mga anomaliya.
Samtang, ang Independent Commission on Infrastructure (ICI) naglaum karon nga ang pagbalik ni Bonoan mas makatabang sa ilang mga imbestigasyon, diin mahinumduman nga ang komisyon nagrekomendar usab sa pagpasaka og mga kasong kriminal ug administratibo batok sa kanhi kalihim kalabot sa P95 milyon nga kantidad sa mga proyekto sa pagkontrol sa baha sa Bocaue, Bulacan.
