Gipadayag ni Atty. Paolo Panelo, ang legal nga tigpamaba ni Vice President Sara Duterte, nga nakadawat ang Bise Presidente og hangyo alang sa tabang ug pagluwas gikan sa account sa usa ka kanhi household staff niya mga alas 11:19 sa gabii sa Nobyembre 16, 2026.
Matod ni Panelo, nagkanayon ang mensahe nga ang maong kanhi kawani gitago o kontrolado sa pipila ka mga indibidwal didto sa Manila.
Miingon usab ang maong tawo nga gisultihan siya nga anaa sa peligro ang iyang kinabuhi, ug giingong gipugos siya sa pagpirma og usa ka dokumento—usa ka butang nga iyang gibalibaran.
Gikomparar sa legal nga tigpamaba kini nga insidente sa nahitabo kang Jefry Tupas niadtong Septiyembre 29, 2026, diin ang mga ahente sa National Bureau of Investigation (NBI) giingong nagsulti kang Tupas nga anaa sa peligro ang iyang kinabuhi ug misulay sa pagdala kaniya ngadto sa Manila.
Sa pagkakaron, matod ni Panelo, wala pa mahibaloi kon asa nahimutang ang kanhi kawani, ug wala pa usab makompirma ang iyang kasamtangang kahimtang.
Nagpahayag og kabalaka ang kampo ni Duterte nga kini nga insidente mahimong kabahin sa usa ka kampanya sa administrasyong Marcos nga gamiton ang mga institusyon sa gobyernosama sa NBI aron pugson ang mga indibidwal nga mahimong bakak nga mga saksi batok sa Bise Presidente.
Nanawagan si Panelo sa publiko, media, ug sa mga hingtungdan nga institusyon nga hatagan og pagtagad kining giingong paggamit sa mga ahensya sa gobyerno alang sa politikanhong katuyoan, samtang gipasiugda nga kinahanglan gayong masiguro dayon ang kaluwasan ug kagawasan sa maong kanhi kawani.











