CEBU CITY -Padayun pa nga gi-imbestigaran sa kapulisan ang pagpusil patay sa usa ka kanhi kapitan gahapong adlawa pasado alas 7 sa gabie sa Sitio Atabay, Barangay Agus, dakbayan sa Lapu-lapu.
Kini human nga gipusil sa wala pa mailhi nga matud pa riding intandem samtang nagmaneho sa iyang sakyanan sa nahisgutang dapit.// Giila ang maong kanhi kapitan nga si Remegio “Bo” Oyao, 63 anyos diin gideklarar kini nga dead on arrival sa dihang gisiway kini ug dala sa tambalanan.
Matud ni SPO1 Lido Pinos, Homicide Section sa Mandaue nga nagdrive ang maong biktima sa iyang sakyanan ug sa dihang mi-menor kini kalit lang nga gipusil sa wala pa mailhi nga suspek.
Matud pa niini nga usa sa ilang gitan-aw nga motibo sa pagpamusil ang giingung problema sa yuta ug pulitika.
Dugang pa ni Pinos nga padayun pa nila nga gi-negosyar ang kabanay sa biktima gumikan nga nagpabilin pa man kini nga hilom sa maong panghitabo.
Nakakuha ug samad pinusilan ang maong biktima sa wala nga bahin sa dughan ug kamot.
Nagkanayon usab ni Pinos nga adunay kauban nga parente ang maong biktima sa dihang nahitabo ang pagpamusil apan wala ra hinuon kini maka-angkon ug samad pinusilan.
