Kanhi kauban ni Billy Joel sa banda nga si Jon Small, mipanaw na

Mitaliwan na ang kanhi kauban ni Billy Joel sa banda nga si Jon Small.

Gikumpirma sa mag-aawit ang pagkamatay sa iyang dugay nang kauban ug suod nga higala pinaagi sa pag-post og litrato nilang duha sa iyang social media.

Wala na mohatag og dugang detalye ang mag-aawit bahin sa hinungdan sa kamatayon ni Small.

Nagkauban na ang duha sa bandang “The Hassle” sukad pa sa 1960s sa wala pa nila giporma ang hard-rock duo nga Attila, diin si Billy nagtugtog og keyboard ug vocals samtang si Jon nagtugtog og drums.

Si Billy adunay relasyon sa asawa ni Jon nga si Elizabeth Weber, nga gikasal ni Billy sa dihang nagbuwag sila ni Jon.

Human sa panaglalis, nagkauli na ang duha ug nagtinabangay sa mga proyekto sama sa lain-laing mga konsyerto.