Posible nga hinganlan ni US President-elect Donald Trump si incumbent Florida Senator Marco Rubio isip Secretary of State, basi sa mga taho gikan sa US-based international news organizations.
Si Rubio kay usa sa mga kanhi kritiko sa napiling presidente sa Estados Unidos.
Niadtong 2016, samtang si Rubio nangita sa Republican presidential endorsement batok kang Trump, iyang gitawag si Trump nga usa ka ‘con artist’ ug ang labing bastos nga tawo nga iyang nailhan sukad nga nagtinguha nga mahimong presidente.
Apan, bisan pa niini, ang pipila nga duol sa kampo ni Trump nagpaila kang Rubio nga usa sa mga nag-unang kandidato nga mahimong State Secretary.
Ug una siyang napili sa Senado sa US kaniadtong 2010.
Sa pagkakaron adunay daghang mga personalidad nga gihinganlan ni Trump isip kabahin sa iyang gabinete ug usa niini mao si Tom Homan isip border tsar sa US ug New York Representative Elise Stefanik isip US Ambassador sa UN.
