CEBU CITY– Nasikop ang usa kalalake nga gitouhang kanhi miyembro sa Abu Sayyaf pinaagi sa pagpasikad og search warrant sa may Brgy. Ocaña syudad sa Carcar probinsya sa Sugbo.
Giilaang suspek nga si Oger Roma Pelino, 68- anyos ug residente sa nahisgutang lugar.
Nakumpiska sa Criminal Investigation and Detection Group (CIDG- 7), ang nipahigayon sa operation ang mga high-powered fire arms sama sa duha ka caliber 45 pistol, usa ka 38 revolver, usa ka ingram, usa ka granada, mga explosive device, koran, mga dukomento ug cellphone.
Matod ni Lt. Col. Medel Aguilar sa Central Command 7 nga pagatutokan una nila ang pagkatawo ni Pelino.
Nangayo kini og igong panahon hilabi na nga nasayran nga kanhi miyembro sa Abu Sayyaf group si Pelino.
Dugang pa niya nga maayo ra usab ang koordinasyon nila sa mga law enforcement agency.
Paga-andamon na usab nila karon ang kasong paglapas sa RA 10591 o illegal posession of firearms nga ipasaka batok sa suspek.
Samtang “no comment” lang ang giluwat sa suspek sa dihang gipangayoan kini sa iyang habig.
