NEGROS ISLAND-Gidakop sa Criminal Investigation and Detection Group (CIDG) si kanhi Negros Oriental governor Pryde Henry Teves tungod sa mga kaso kalabot sa iyang giingong pagkalambigit sa mga teroristang kalihokan, karung adlawa Huwebes, Hunyo 20, 2024.
Nasikop si Teves sa dakbayan sa Dumaguete mga alas 8:15 sa buntag Huwebes tungod sa paglapas sa ‘The Terrorism Financing Prevention and Suppression Act of 2012’.
Ang warrant of arrest giisyu sa Seventh Judicial Region, Branch 74 sa dakbayan sa Sugbo niadtong Mayo 13, 2024.
Kung diin ang piyansa gitakdang anaa sa P200,000.
Ang kanhi gobernador naa sa listahan sa mga top Most Wanted Persons (MWP) sa lebel sa probinsiya ug rehiyon.
Niadtong Agosto, gitudlo sa Anti-Terrorism Council (ATC) ang managsuong Teves ug 12 ka uban pa nga mga terorista tungod sa giingong pagkalambigit nila sa daghang insidente sa pagpamatay ug pagpanghasi sa Negros Oriental sa milabay nga mga tuig.
Kini nga mga insidente naglakip sa pagpatay kang Negros Oriental Gobernador Roel Degamo niadtong Marso 2024 nga miresulta usab sa pagkamatay sa uban pang mga inosenteng sibilyan.
