Giangkon ni kanhi presidente Rodrigo Duterte nga iyang gimandoan ang mga kanhi hepe sa Philippine National Police nga dasigon ang mga gidudahang kriminal nga mosukol ug kung mosukol kay patyon sila.
Mao kini ang gibutyag ni Duterte sa imbestigasyon sa Senate blue ribbon subcommittee kalabot sa duguong war on drugs sa miaging administrasyon.
Wala palabya ni Senador Risa Hontiveros ang gibutyag sa kanhi presidente.
Ingon man nga giangkon ni Duterte nga aduna siya’y death squad sa Davao, apan dili pulis kondili mga gangster.
Diin mao ang mga adunahan nga andam mopatay sa mga kriminal ug lakip sa pito ka sakop sa iyang death squad.
Dugang sa kanhi presidente, nga gikompisal niini ang mga kriminal, ingon man nga linibo ang gidaghanon sa mga kriminal nga iyang gipukan niadtong mayor pa siya sa dakbayan sa Davao.
Giklaro ni Duterte nga wala niya bayri ang mga sakop sa iyang death squad tungod kay adunahan na sila.
Apan, igo nalang niingon si Hontiveros nga “bombshell” ang pamahayag ni Duterte nga adunay death squad police nga nalambigit o wala.
Samtang, gilimod usab sa kanhi ang giluwat nga mga pamahayag ni kanhi pulis Col. Royina Garma nga siya ang gitudlo nga responsible sa giingong reward system sa war on drugs.
Matud ni Duterte nga walay kamatuoran nga nitawag kini kang Garma susama sa gipaambit sa kanhi Police atol sa rebelasyon niini sa quad comm.
Hinungdan nga natawag ni Duterte nga ‘gaga’ si Garma.
