Kanhi Presidente Biden, nipaubos sa skin cancer surgery

Gioperahan si kanhi US President Joe Biden sa skin cancer.

Matod sa iyang tigpamaba, ang kanhi presidente nipaubos sa Mohs surgery apan wala na mohatag og dugang detalye.

Ang pamaagi naglakip sa pagtangtang sa panit hangtod nga wala nay ebidensya sa kanser nga nahabilin.

Sa bag-ohay nga mga adlaw, usa ka samad ang nakita sa tuo nga bahin sa ulo sa 82-anyos nga kanhi Presidente.

Kahinumduman nga niadtong 2023, ang presidente adunay cancerous skin lesion nga gikuha sa iyang dughan isip kabahin sa health screening.

Samtang niadtong Mayo, ang kanhi presidente na-diagnose nga adunay agresibo nga matang sa prostate cancer nga nikatap sa iyang mga bukog.