Giakusahan sa prosecution sa International Criminal Court (ICC) si kanhi Presidente Rodrigo Duterte sa paggamit sa gitawag nga Davao model aron sa paghimo sa daghang pagpatay sa Pilipinas sa dihang milingkod siya sa pwesto.
Sa iyang pamahayag, giinsistir ni ICC Trial Lawyer Edward Jeremy nga ang kanhi punong ehekutibo nagtuman lamang sa iyang saad sa kampanya.
Kini nga bahin nakasentro sa giingong pagpatay sa gitawag nga mga high-value target nga nalakip sa kontrobersyal sa narco list sa miaging administrasyon.
Pormal nga gipresentar sa prosecution team sa International Criminal Court (ICC) ang command memorandum sa kontrobersyal nga gubat batok sa droga isip kabahin sa hearing sa crimes against humanity batok kang kanhi Presidente Rodrigo Duterte.
Ang Project Double Barrel mao ang opisyal nga giya sa nasudnong pulisya sa pagpatuman sa madugoon nga kampanya batok sa droga sa miaging administrasyon.
Gigamit na kini karon sa prosekusyon sa ICC isip usa ka importanteng dokumento aron pamatud-an ang giingong sistematikong palisiya sa pagpatay nga miresulta sa liboan ka mga kamatayon sa nasud.
Padayon nga gipasabot sa prosekusyon ang mga ebidensya nga ilang gisumite aron mapamatud-an ang mga akusasyon batok sa kanhi hepe ehekutibo.
