DAVAO CITY-Nakahukom si kanhi Presidente Rodrigo Duterte nga modagan pag-usab sa katungdanan sa gobyerno.
Niining higayona, gusto niyang mobalik isip mayor sa Davao City, usa ka katungdanan nga iyang gihuptan sulod sa pipila ka tuig sa wala pa mahimong presidente sa Pilipinas niadtong 2016.
Gikompirmar usab ni Duterte nga posibleng modagan siya nga ka-tandem sa iyang anak nga si incumbent mayor Sebastian Duterte.
Matud ni Duterte nga dili siya makapadayon sa nasudnong kampanya tungod sa iyang pangedaron, taliwala sa mga panawagan nga modagan kini pagka-senador sa 2025 midterm elections.
Ang iyang anak nga si Bise Presidente Sara Duterte, una nang niingon nga ang maguwang nga Duterte kauban si Sebastian ug Davao City Rep. Paolo Duterte maoy modagan sa Senado.
Apan si Duterte mismo nihimakak niini, ug miingon nga nagkomedya lang si Sara.
Giangkon usab niya nga “dili siya hilig” nga mobalik sa politika, nga giingon nga wala na siyay kapital sa politika, ingon man pondo, aron makasulod pag-usab sa natad sa politika pagkahuman sa iyang termino kaniadtong 2022.
