Andam si kanhi Presidente Rodrigo Duterte nga atubangon ang imbestigasyon sa International Criminal Court (ICC).
Gidasig usab sa kanhi Presidente ang international criminal court nga paspasan ang imbestigasyon kalabot sa crime against humanity complaint batok kaniya.
Gidugang pa nga kung mahimo karong adlawa kay makatunga sa nasud ang mga representante sa ICC.
Atol sa Quad Comm hearing, prangka nga niingon si Duterte nga wala siya mahadlok sa ICC.
Matod ni Duterte, kinahanglang magdali ang ICC kay basin og mamatay siya nga dili maimbestigahan kalabot sa giingong extra judicial killings nga nahitabo ubos sa iyang gipatuman nga war on drugs.
Gipasalig ni Duterte nga kung mapamatud-an sa ICC nga sad-an siya sa alegasyon sa krimen batok sa katawhan, andam siyang madunot sulod sa prisohan.
Ingon man nga dili usab siya mahadlok nga moadto sa impyerno.
Samtang, mas nigrabe pa ang mitumaw nga tension ug gitabangan og uwang ang kanhi Presidente sa iyang pagsuway og labay sa mikropono kang kanhi Senador Sonny Trillanes human gipaambit ang giingong mga rekord sa bangko, nga nagpakita sa mga deposito, nga nagkantidad og minilyon ka pesos, ngadto sa pamilyang Duterte.
Matud pa ni Duterte nga kon gani mahatag niini ang gipangayo ni Barbers kay sagpaon niini si Trillanes atubangan sa Publiko.
