Niangkon dayon sa iyang sayop si Roberto Bernardo, ang kanhi Department of Public Works and Highways (DPWH) undersecretary kinsang giakusahan nga nakadawat og kickback sa mga flood control projects atol sa iyang pag-atubang sa Senate Blue Ribbon Committee hearing.
Matud niini nga wala siya nahimong lig-on ug wala nagmatinud-anon sa pagtuman sa mga katungdanan nga gitugyan kanila sa gobyerno ug katawhan.
Busa, kinasing-kasing pa kini nga nangayo og pasaylo tungod sa iyang sayop nga nabuhat.
Sa iyang pagkanta, gihinganlan niini sila Kanhi Senate President Francis “Chiz” Escudero, kanhi Sen. Ramon “Bong” Revilla Jr. ug si kanhi senador Nancy Binay nga nakadawat og kickback sa mga flood control projects.
Apan, matod ni kanhi-DPWH engineer Brice Hernandez nga kuwang ang ‘commitment’ sa affidavit ni kanhi Usec. Roberto Bernardo.
Giinsistir niini nga 25% ngadto sa 30% ang aktuwal nga “obligasyon” nga ilang gipangayo mas taas sa 15% nga nahisgutan sa affidavit, ug sa dihang gipangutana bahin sa mga bag-ong personalidad nga gilambigit ni Bernardo, karon lang niya kini nadunggan.
