Lagmit nga madakpan ang kanhi Presidente sa South Korea nga si Yoon Suk Yeol pag-usab sa Miyerkules, Hulyo 9, human sa usa ka pagdungog nga gikatakda sa Seoul Central District Court aron hisgutan ang usa ka hangyo sa mga espesyal nga prosecutor sa pagdakop kaniya pag-usab sa mga kaso sa pag-abuso sa gahum ug pagbabag sa hustisya.
Sumala sa korte, ang hangyo adunay kalabotan sa giingong deklarasyon ni Yoon sa martial law kaniadtong Disyembre 2024, ug ang iyang pagmando sa mga presidential guards aron pugngan ang mga awtoridad sa pagdakop kaniya kaniadtong Enero.
Gawas sa kasong insureksyon nga iyang giatubang karon, gisusi pa ang posibilidad nga madugangan pa ang kaso batok sa kanhi presidente.
Sumala sa mga taho, ang hangyo sa detention warrant gisang-at tungod sa posibleng pag-eskapo ni Yoon ug pag-tamper sa saksi.
Ingon man nga hugot nga gipanghimakak sa kampo ni Yoon ang tanang pasangil batok kaniya.
