PROVINCE OF CEBU-Gi turn-over sa Kapitan sa Barangay Buanoy, lungsod sa Balamban gahapon sa buntag Mayo 8, 2023 ang kanhi tanod nga naka pusil sa paa sa pulis niadtong Domingo Mayo 7, 2023.
Giila ang mi surrender kang Kapitan Clyde Seblos nga si Antonio Rabago alyas Tonio nga lumolupyo ra usab sa maong lugar.
Una niini, nialarma ang kapulisan sa Balamban police Station human gireklamo sa mga silingan nga kanunay nga magdalag armas ang maong kanhing tanod.
Apan sa pag responde sa mga police sa Balamban misukol kini ug namusil nga mi resulta sa pagka igo sa paa ni Police Senior Master Sergeant Godofredo Dumdum.
Hinungdan nga adunay nahitabong sinukliay sa bala sa dihang nitago ang suspetsado sa iyang balay.
Kasong frustrated homicide ang giandam nga kaso sa kapulisan batok sa suspetsado.
