CEBU CITY – Patay ang mag live-in partner human kini sila gipamusil sulod mismo sa ilang panimalay sa Barangay Labugon, syudad sa Mandaue, Hwebes sa kaadlawon.
Ang mga biktima mao sila si Agnes Pogoy, 36 ug Ricardo Avenido, 36.
Matud sa anak sa mga biktima nga si Nene ( dili tinuod nga pangalan) 13 anyos, kalit lang nga gipatiran sa upat ka mga lalaki ang ilang pultahan ug misulod sa ilang balay.
Gipangita matud pa sa mga lalaki ang iyang mga ginikanan ug gibira pagawas sa ilang lawak ang iyang papa.
Apan gumikan kay nagmagahi kini kalit lang kini nga gipusil sa usa sa mga suspek nga naka bonnet.
Matud pa ni Nene nga nagpakiluoy pa ang iyang inahan ngadto sa mga suspek nga dili lang kini patyon sanglit gagmay pa ang iyang mga anak apan matud pa nga susamang walay nadungog ang mga suspek ug gipusil usab ang kini.
Atubangan mismo sa ilang mga anak gibawian og kinabuhi ang silang Pogoy ug Avenido.
Nasayran nga kanhi missurender sa Oplan Tokhang sa ilang barangay si Avenido gumikan sa paggamit ug pagpamaligya niini og iligal nga drugas.
Gawas sa pagpamaligya og mga utanon, duna usab negosyo nga internetan sa ilang balay ang mag live in partner nga maoy gikuhaan nila sa ilang pang adlaw adlaw nga gastuhon.
