Mipadayag ang kanhi world No. 4 nga si Greg Rusedski, nga wala siya nabalaka sa bag-ohay nga mga pasundayag sa Filipina tennis star ug world No. 19 nga si Alex Eala.
Sa Bag-o lang, nakapakurat ang Filipina tennis sensation sa iyang sayo nga pagkapalagpot gikan sa Wuhan Open sa China human siya napildi batok sa local favorite ug world No. 217 nga si Han Shi.
Sa wala pa kini, napakyas usab si Eala sa iyang kampanya sa Singapore Tennis Open, diin gipildi siya sa Russian nga magduduwa ug world No. 180 nga si Tatiana Prozorova.
Dugang pa ni Rusedski, misamot ang mga expectations ug pressure kang Eala human sa iyang malampusong mga dula sa Wimbledon ug US Open, lakip na ang iyang pag-apil sa nagkalain-laing mga kalihokan gawas sa iyang karera sa tennis.
Bisan pa niana, ang finalist sa 1997 US Open nagpabiling masaligon nga makabawi ang Filipina star ug makab-ot ang maayong mga resulta sa umaabot.
Nagtuo usab si Rusedski nga angay ilakip si Eala isip usa sa mga “seeded player” sa Australian Open, nga mahitabo sa pagsugod sa 2027.
Dugang pa, gipadayag ni Rusedski nga bukas siya sa ideya nga mahimong coach ni Eala inigkahuman sa iyang season.
