Nipadangat sa ilahang suporta ang usa ka grupo nga nagpaila sa ilang kaugalingon nga “former loyalists” ni Presidente Ferdinand Marcos Jr. ug sa iyang amahan, alang sa posibleng pagpares ni Bise Presidente Sara Duterte ug kanhi gobernador sa Ilocos Sur nga si Chavit Singson sa eleksyon sa nasud sa 2028.
Sa usa ka press conference, ang gitawag nga Sara-Chavit 2028 Nationwide Movement miingon nga nagkahiusa sila dayon human gipahibalo ni Sara Duterte nga modagan siya pagka-presidente sa 2028.
Sumala sa grupo, nagtuo sila nga madala ni Duterte ang iyang kasinatian isip kanhi mayor sa Davao City ngadto sa mas lapad nga pagdumala sa nasudnong lebel, labi na sa mga butang sa ekonomiya, kalinaw, kahusay, ug kalamboan.
Gisugyot usab sa grupo si Singson isip posibleng running mate ni Duterte alang sa pagka-bise presidente, kinsa ilang giingon nga adunay kaarang kasinatian sa serbisyo publiko, base sa iyang pagpangulo sa Ilocos Sur.
Bisan pa, giangkon sa grupo nga wala pa nila pormal nga nahisgutan ang pag-endorso kang Singson ug wala pa silay direktang komunikasyon kaniya bahin sa giingon nga plano.
Si VP Sara kaniadto miingon nga nakapili na siya og running mate, apan wala pa niya kini gibutyag nga mao kini.
