Natapos na ang dugay nga paghari sa Christmas song ni Mariah Carey nga “All I Want for Christmas Is You” sa Billboard charts, human kini malabwan sa kantang “Last Christmas” sa banda nga Wham.
Kini ang unang higayon nga napildi ang kanta ni Carey sa Billboard Christmas Number 1 sa Estados Unidos sukad Septyembre 2020.
Sulod sa 19 ka semana gikan Disyembre 2020, nagpabilin sa ibabaw sa tsart ang “All I Want for Christmas Is You”, nga giila isip usa sa pinakasikat nga Christmas songs sa tanang panahon.
Ang kanta ni Carey gipagawas niadtong 1994, samtang ang “Last Christmas” sa Wham unang gipagawas niadtong 1984.
Gawas sa pag-una sa Christmas chart, ang kanta ni Wham nga “Last Christmas” anaa usab sa unang pwesto sa Billboard Hot 100 ug Holiday 100, gisundan sa kanta ni Mariah Carey.
