Nakatala angg Korte Suprema og dili momenos sa 11,437 ka bar takers karong tuiga, sumala sa datus sa unang adlaw sa Bar Examination.
Sa usa ka press conference, si Supreme Court Associate Justice Amy Lazaro-Javier, Chairperson sa 2025 Bar Exams, nipahibalo nga ang kinatibuk-ang ihap sa mga examinees karong tuiga mokabat sa 13,000 apan kapin sa 11,000 gikan niini nga gidaghanon ang nakatambong ug nakakuha sa eksaminasyon.
Sa maong ihap, 6,673 niini ang mga babaye samtang 4,764 ang mga lalaki nga nikuha sa exam nga halos susama sa statistics sa niaging tuig diin mas daghang babaye ang nikuha sa exam ug nakapasar.
Gipaabot ni Lazaro-Javier nga dili na mokunhod ang maong gidaghanon sa umaabot nga mga adlaw tungod sa natala nga back-out sa pipila ka examinees sa nangaging mga eksaminasyon.
Matod niya nga bisan og subo pamalandungon nga wala mopadayon ang ubang mga bar takers, si Lazaro-Javier nihatag gihapon og mensahe sa pagsukol ug giingnan ang mga nikuha nga dili mo-undang bisan unsa pa kalisod sa examination.
Samtang, gawas sa University of Sto. Tomas, ubay-ubay pang unibersidad ang nalakip sa mga local testing centers, sama sa mosunod:
- -San Beda University Manila
- -New Era University Quezon City
- -Manila Adventist College Pasay
- -San Beda College Alabang
- -University of the Philippines – Bonifacio Global City
- -Ateneo Law School – Makati
- Saint Louis University – Baguio
- -University of Nueva Caceres – Naga
- -University of San Jose Recoletos Cebu
- -Dr. Vicente Orestes Romualdez Educational Foundation – Tacloban
- -Central Philippine University – Iloilo
- -Ateneo de Davao University
- -Mindanao State University – Iligan Institute of Technology
