Nakatala ang Second Congressional Commission on Education (EDCOM II) nga ang rehiyon sa Central Visayas kay adunay 169,373 ka mga tinun-an sa grades 1-3 ang maglisud og basa.
Kini ang datos nga gisapublikar sa EDCOM II pinaagi sa ilang interactive website sa Key Early Childhood Indicators section niini.
Sumala sa maong datos, nga sa maong ihap sa kapin 169,00 kay mituntong kini sa 44.64% sa tanang tinun-an sa maong kategorya nga bintaha nalang kun itandi sa national average sa 55.07%.
Sa samang datos, nagtala pud kini og 138 ka mga barangay sa Sugbo ug Bohol nga walay Child Development Center kun Daycare Centers.
Dugang pa nga ilang istatisko, nakatala pud kini sa 32,470 ka mga batang nag-edad og 0-5 years old nga mipatong sa 7.46% nga mas ubos og gamay kaysa sa national average nga 7.82%.
Gani diri sa Sugbo lamang, sa school year 2025-2026 kay nag-una ang School Division sa dakbayan sa Talisay og pinakataas og porsyento sa mga tinun-an sa grades 1-3 nga maglisud og basa nga anaa sa 52.99%.
Gisundan kini sa Schools Division sa dakbayan sa Sugbo sa 46.85%, dakbayan sa Lapu-lapu sa 45.65%, dakbayan sa Toledo sa 43.83%, dakbayan sa Mandaue sa 39.70%, Probinsya sa Sugbo sa 39.31%, dakbayan sa Naga sa 35.57%, dakbayan sa Danao 32.51%, ug dakbayan sa Bogo sa 32.50%.
Samtang sa Bohol, nakatala kini sa 5,135 (5.55%) sa stunting prevalence, 24,441 (35.80%) sa struggling readers, ug 35 ka mga barangays ang walay Daycare Centers.
Naghulagway kini sa matag 4 gikan sa 10 ka mga tinun-an sa grades 1-3 sa rehiyon ang maglisud og basa ug sabot sa mga simpleng han-ay sa mga pamulong.
