CEBU CITY — Luwas ang 311 ka mga pasahero sa MV Mika Mari 3 human nga misangad kini sa mabaw nga bahin sa dagat sa dihang mipalyar ang auxiliary engine niini sa dihang padunggo na kini sa Consuelo Camotes.
Kini ang gibutyag ni Lt. Grade Michael Encina ang tigpamababa sa Philippine Coast Guard (PCG)-7 human nga ila dayon nga girescue nga pasahero.
Hinoon human sa usa ka oras nabalik na pagfuntion ang makina sa naasoy nga vessel apan wala na matud pa naghuwat pa ang coast guard nga mauli-an kini ug malampuson nga naluwas ang tanang pasahero nga walay mga injury.
Samtang, atol usab sa maritime patrol nga gipahigayon sa coast guard agi og preparasyon sa kalag-kalag nasigpatan niini ang mitikyaob nga bangka sa may kadagatan sa Carcar City.
Dali dayon kining girescue sa coast guard diin 4 ka mananagat ang ilang naluwas.
Giklaro usab ni Encina nga walay connection ang low pressure area sa naasoy nga insidente sanglit wala may gale warning nga gipagawas ang PAGASA.
Photp Courtesy of PCG-7 
Photo Courtesy of PCG-7 
Photo Courtesy of PCG-7 
Photo courtesy of PCG-7
