CEBU CITY-Miabot na ang kapin 300 mil ka sakong NFA rice sa Sugbo nga ipang-apu-apud unya sa upat ka Probinsya sa rehiyon 7 karong adlawa.
Kini mao ang gikompirmar ni Olma Marie Bayno, NFA-7 Information Officer kini human usab sa nahitabo nga NFA rice shortage sa nakalabay nga mga buwan.
Una nga miabot ang barko nga nagkarga sa 200 mil ka mga sakong NFA Rice ug sunod usab ang laing bargo nga nagkarga sa laing pang sobra sa 100 mil ka mga sako.
Nagkanayon si Bayno nga dili na mabalaka ang publiko sanglit igo na kini nga makasupply sa mga probinsya ug aduna na usab lain nga batch nga musunod pa hayan mapundohan na ang ilang bodega.
Tataw ni Bayno nga dul-an tunga sa milyon ang sakong bugas ang muabot sa Sugbo ug target niini nga makasustinir kini hangtud sa katapusang tuig.
Wala hinoon, gikalimod ni Bayno ang NFA rice shortage apan iyang gitino nga depende raman gyud kini sa panahon.
Apan gihimug-atan ni Bayno nga dili man tanan mukaon usab og NFA ug aduna paman gihapon commercial rice hayan dili kaayo ing-ana kalisod ang sitwasyon.
