Naputol na gyud ang pag-antos sa paghuwat sa kapin 3000 empleyado sa Cebu City Hall sa ilahang nga Charter Day bonus, nunot sa pagpahunong niini subay sa lagda sa COMELEC sa “election spending ban.”
Subay niana, namandoan na sa Former Mayor sa Dakbayan sa Sugbo, Raymond Alvin Garcia, ang City Administrator, nga ipadayon ang pagpagawas sa mga insentibo alang sa mga empleyado.
Ang maong Charter Day bonus nga nagkantidad og 35, 000 alang sa mha regular ug kaswal nga empleyado, ug 5,000 alang sa mga job order personnel, mao ang masakopan sa kina-unhang supplemental budget sa Siyudad sa Sugbo.
Sumala pa, ang maong supplemental budget giaprobahan sa Cebu City Council niadtong Marso 26.
Apan, ang higayon sa pag aprobar niini nasubay ug natakdo sa panahon sa eleksyon. Diin, ang “election ban” alang sa pag apod-apod sa pundo sa mga katawhan, napatuman niadtong Marso 28, hangtud na sa adlaw sa eleksyon niadtong Lunes, Mayo 12.
Subay niana, na pugngan ang City Government sa pagopagawas sa maong budget sumala sa gilagdang kalihokan, diin niresulta sa pipila ka buwan nga paghuwat sa maong budget nga ma-release.(Bombo Irene Ardiente)
