Gikatakdang ideploy ang anaa sa kapin 3,000 ka mga security personnel para sa pagsiguro sa peace and order alang sa nagsingabot nga Fiesta Señor ug Sinulog 2026 nga selebrasyon.
Kini ang nahimong diskusyon atol sa Security Cluster Meeting niadtong Martes, Disyembre 15 sa Cebu City Government diin ang panagpulong kay gipangulohan ni City Councilor Paul Labra II, kinsa maoy Chairman sa Committee on Peace and Order sa Sagguniang Panlungsod.
Ang mga personnel nga ipakatap kay naggikan sa Philippine National Police (PNP), Armed Forces of the Philippines (AFP) Visayas Command, Philippine Coast Guard, ug uban pang nasudnong ahensya sa kagamhanan inabagan sa mga nagkadaiyang civilian volunteer groups.
Sumala pa ni Labra nga nakatutok ang ilang deployment kabahin sa crowd control ug secutiry coverage sa mga key areas ug venues sa mga kalihokan sa kapistahan.
Ang preparasyon sa dakbayan naglangkob sa kanunayng coordination meeting diin adunay pasaad agn mga ahensya sa ihap sa ilang mga sakop sama sa 1,000 gikan sa AFP VisCom ug 2,000 sa PNP.
Nagtinguha kini sa pagsiguro nga ang 2026 nga edisyon sa kapistahan mamahimong luwas para sa tanan nga mga deboto ug turista.
