Mikabat sa kapin kun kulang 300 ka mga sundalo ang gi-deploy sa Negros Oriental alang sa 21 ka mga areas nga gibantayan sa Joint Task Force Negros.
Gipahibalo ni Lieutenant Colonel Israel Galorio, ang tigpamaba sa Visayas Command, nga ang maong mga areas kay gikonsiderar nga mga chokepoints diin istrikto nga gibantayan batok sa nahabilin nga mga suspek sa pagpatay ni Negros Oriental Governor Roel Degamo.
Matud ni Galorio nga gi-deploy ang maong mga kasundalohan arun sa paghatag ug tabang sa kapulisan sa pagpahigayon ug mga security patrol, ingon man sa pag step-up sa joint law enforcement effort sa probinsiya.
Giklaro niini nga ang naasoy nga mga sundalo kay daan nang na-assign sa Negros Oriental ug Negros Occidental, ug nagpahigayon lang sila ug realignment alang sa katuyoan sa pagpahugot sa seguridad sa probinsiya.
