CEBU CITY-Mukabat sa kapin P3-M nga balor sa kantidad sa shabu ang nasakmit sa Minglanilla PNP gikan sa usa ka Regional High Value Individual (HVI) atol sa gipahigayong buybust operation sa Sityo Jansen,Brgy.Basak San Nicolas syudad sa Sugbo.
Naila ang subject nga si Abundio Alegarme,27 anyos ug residente sa maong lugar.
Matud ni PCapt Francis Renz Talosig ang hepe sa Minglanilla PNP nga aduna nay criminal record si Alegrame sanglit nasikop na usab kini niadtong Hulyo, 2019 human nakuhaan og shabu sa posisyon, ug ingon man, duna na usab kini kaso nga murder apan na-aquit mao nga nakagawas.
Karon, nasuta nga nibalik kini og pamaligya og shabu kung diin ang source matud pa niini mao si ‘Alyas Batman’ kinsang giimbestigaran karon sa kapulisan.
Mutimbang sa 450 grams ang shabu nga nasakmit gikan sa subject ug dunay DDB value nga P3,060,000. | report from Bombo Eric Amaro
