Nasamdan ang anaa sa 120 ka tawo, kadaghanan kanila mga pulis,human sa mga panagsangka tali sa mga awtoridad ug mga nagprotesta sa Mexico.
Liboan ka mga tawo ang nagmartsa sa Mexico City ug uban pang bahin sa nasud aron sa pagkondena sa nagpadayon nga mga krimen ug protesta batok sa pagdumala ni President Claudia Sheinbaum.
Sa laing bahin, gidepensahan ni Sheinbaum ang iyang kaugalingon, nga nag-ingon nga kadtong nagpahigayon sa mga protesta gipondohan sa mga politiko nga supak sa iyang pagpangulo.
Ang mga protesta giorganisar sa mga grupo sa kabatan-onan sa Gen Z nga gisuportahan sa pipila ka mga lungsuranon nga supak sa mga high-profile nga pagpatay lakip na ang mga assassination.
Kung diin, ang grupo misulay sa pagsulong sa National Palace kung asa nagpuyo si Sheinbaum, apan gipugngan sa mga awtoridad, diin nahitabo ang mga kagubot.
Nanawagan ang presidente sa Mexico alang sa malinawon nga diyalogo ug gipasalig nga dili nila tugotan nga motungha ang kagubot.
