CHINA-Gipatuman na sa gobyerno sa China ang pagbakwit sa mga coastal fishing communities niini bisan paman ug wala pa mihatag ug kadaot ang bagyong Gaemi sa mainland China.
Sa Fujian Province, moabot sa 150,000 ka mga tawo ang nabalhin tungod sa kahadlok sa pagbaha ug pagtaas sa tubig.
Gisuspenso usab sulod sa tulo ka adlaw ang passenger water routes sa maong dapit, dungan sa pagkusokuso sa bagyo.
Gawas niini, kanselado usab ang pipila ka flights sa Fujian ug Zhejiang Province samtang gisuspenso usab ang serbisyo sa tren sa Guangzhou area ilabi na ang mga rota nga moagi sa mga lugar nga maigo sa bagyo.
Kagahapon, giandam una sa mga opisyal sa China ang lainlaing mga lakang batok sa kusog nga pag-ulan ug pagbaha, uban ang pagpasidaan sa mga residente.
Sa wala pa ang gipaabot nga pag-landfall sa bagyo sa China, nihuyang kini og gamay, nga nagdala sa hangin nga moabot sa 140 kph duol sa sentro niini samtang ang pag-unos miabot sa 215 kph, katumbas gihapon sa bagyo 3 sa US.
Tungod sa gilay-on sa bagyong Gaemi (Carina) gikan sa teritoryo nga sakop sa Pilipinas, aduna kini kusog sa hangin nga susama sa Supertyphoon.
Pagsulod sa Taiwan, hingpit nga naminusan ang kusog niini tungod sa pagbabag sa dagkong kabukiran sa maong estado.
