Mikabat sa 19,373 ka mga tawo ang gitaho sa National Disaster Risk Reduction Management Council nga naapektuhan sa bagyong Aghon.
Basi sa gipagawas nga situational report sa ahensya, gikan sa maong ihap, niabot sa 8,465 ka pamilya gikan sa 158 ka barangay ang gikuso-kuso sa maong bagyo sa Luzon ug Visayas.
Samtang makita usab sa nasangpit nga taho nga ang Rehiyon sa Bicol ang nakatala sa pinakataas nga ihap sa mga apektadong indibidwal nga mokabat sa 10,349 diin pito niini ang nangaangol tungod sa bagyo.
Kalabot niini, gibanabana nga 5,343 ka mga tawo ang nawad-an sa ilang mga balay, samtang 2,162 niini ang kasamtangang nagpabilin sa mga evacuation center, ug 3,181 ang temporaryo nga nagpuyo sa ilang mga higala ug paryente.
Sa laing bahin, ang Office of Civil Defense gahapong adlawa, Mayo 27 miingon nga basi sa ilang monitoring ang bagyong Aghon adunay natala nga lima ka tawo nga namatay.
Diin ang niini, gikan sa Calabarzon ug ang usa gikan sa Northern Mindanao.
