Kapin sa duha ka milyon ka mga tawo ang nitambong sa libreng concert sa singer nga si Lady Gaga, sa baybayon sa Copacabana sa Rio de Janeiro.
Kini ang gikonsiderar nga labing dako nga pop star concert nga gibayran sa siyudad aron mabuhi ang ekonomiya sa nahisgutang nasod.
Gipaabot sa gobyerno nga ang maong concert magdala kanila og $100 milyones nga kita sa ekonomiya.
Kini nga concert ni Lady Gaga, kabahin sa iyahang ikawalong album nga “Mayhem” nga naglakip sa mga kanta sama sa “Abarcadabra” ug “Die With a Smile”.
Kahinomdoman nga katapusang nagpasundayag sila sa Brazil niadtong 2012, diin naglinya ang mga fans sayo sa buntag ug milanat og pipila ka oras aron makasulod sa venue.
Kahinumduman usab nga niadtong Mayo 2024, nagpahigayon usab og libreng concert ang singer nga si Madonna ug gibayran usab kini sa siyudad.(Bombo Irene Ardiente)
