Moabot sa 130 ka langyaw nga delegasyon lakip ang 50 ka mga pangulo sa estado ug 10 ka mga monarch karon ang motambong sa lubong ni Pope Francis.
Matod sa Vatican, mahimong madugangan ang nasangpit nga listahan hangtod sa Sabado.
Gipahibalo usab sa Vatican nga ilang gilugwayan ang oras sa pagtan-aw sa publiko sa patayng lawas sa namatay nga Santo Papa.
Tapuson na unta nila ang pagdawat sa ga bisita karong Biyernes sa gabii, apan tungod sa kadaghan sa gustong makigkita sa Santo Papa sa kataposang gutlo, ila kining gilugwayan.
Kahinumduman nga adunay taas nga linya sa mga tawo nga gikan sa ubang mga nasud aron makita ang Santo Papa.
Sulod lang sa usa ka semana, ang Roma nakatala na og taas nga ihap sa mga langyaw ug turista nga mibisita aron tan-awon ang mga patayng lawas sa Santo Papa.
Sumala sa mga opisyal sa Roma, ang gidaghanon sa mga tawo nga nagbangutan sa pagkamatay ni Pope John Paul II niadtong 2005 mahimong malabwan.
