CENTRAL VISAYAS- Mokabat sa kapin sa 2,000 ka mga sakop sa Armed Forces of the Philippines – Visayas Command (AFP-VISCOM) ang ipakatap sa tibuok Kabisay-an ug sa nagkalain-laing mga rehiyon sa nasud.
Subay kini sa nangsingabot nga piniliay aron masiguro ug mamintinar ang kalinaw ug kahapsay sa rehiyon.
Diin gikatakda nga ipakatap ang sakop AFP-VISCOM sa Region 6, sa Negros Island, Region 7 ug uban pa nga kasigbit nga rehiyon, kini alang sa pagdugang sa mga sakop sa kasundaluhan ug pagbantay sa mga polling precincts.
Gibutyag ni Lt Col. Israel Galorio, ang tigpamaba sa AFP-VISCOM. nagpabilin gihapong malinawon ug wala usab kini nabalaka sa presinsiya sa New People’s Army, tungod kay wala kini igong puwersa aron magbuhat og kagubot panahon sa piniliay.
Dugang usab niini, bantayan usab mga deployed personnel ang sagad sa mga bukirang barangay ug hilabi na sa mga lugar nga gipaubos sa Yellow Category, alang sa pagsiguro nga walay kagubot nga mutomaw ug mo disturbo sa mga botante sa umaabut piniliay. | Bombo Nathaniel Sandoval
