Gikompirmar sa Department of Human Settlements and Urban Development (DHSUD) nga ang mga pribadong developers nisaad nga motukod og kapin sa 250,000 ka housing units sa tibuok nasod.
Mahimo kining mapahimuslan sa mga kabos ug ubos ang kita sa pang-adlaw adlaw.
Matod ni DHSUD Secretary Jose Ramon Aliling, moabot na sa 42 ka mga private developers ang nipadayag sa ilang suporta sa pagtukod sa maong gidaghanon sa housing units sa nasod.
Kini human maapil sa flagship program sa gobyerno ang horizontal developments o subdivision-like housing projects.
Gipasabot sa kalihim nga ilang gisuportahan ang horizontal developments o subdivision-like housing projects, lakip na ang abang ug incremental housing.
Kini subay sa direktiba ni Presidente Ferdinand Marcos Jr. nga palapdan pa ang mga programa sa pabalay alang sa mga Pilipino.
