CEBU PROVINCE-Mokabat sa 400 kapin ka mga indibwal ang mosalmot sa Sugat sa Kabanhawan isip guest performer kauban usab si Governor Gwen Garcia nga mu sayaw atol sa Sinulog sa Kabataan sa Lalawigan karon umaabot nga Enero 14, 2024.
Matod pa ni Raymond Manabat, Choreographer sa Sugat sa Kabanhawan sa Minglanilla nga anaa na sila sa 70-80% alang sa ilahang preperasyon og aduna lang sila’y 14 days nga nag preparar sa maong kalihokan.
Matod pa ni Manabat, bisan pa nga wala sila’y labot sa maong competition, usa gihapon ni ka dakong hagit tungod kay kauban kanila si Governor Gwen Garcia.
Dugang niini, gibutyag usab ni Manabat nga kini ang unang higayon sa kasaysayan sa Minglanilla nga mu salmot sa Sinulog sa Kabataan sa Lalawigan kauban si Governor Gwen Garcia.
