Kapin sa 50 ka missile ug 20 ka drone ang gipabuto sa Russia paingon sa Ukraine

Giingon nga ang Russia nagpabuto og kapin sa 50 ka missiles ug 20 ka drones sa ilang pag-atake batok sa Ukraine.

Kini ang gibutyag ni Ukrainian President Volodymyr Zelensky sa usa ka pahayag diin iyang gipahibalo nga ang maong pag-atake nahitabo sa adlaw sa Remembrance ug Reconciliation.

Asoy ni Zelensky, kini nga mga lakang ug pag-atake sa Russia kinahanglan dili na tugotaan ug konsentihon ang maong matang sa pagpang-abuso nga ideolohiya.

Sa samang higayon kusganon niyang gikondenar ang Nazismo, usa ka ideolohiya nga nalambigit sa rehimen ni Adolf Hitler sa Nazi Germany panahon sa Ikaduhang Gubat sa Kalibutan.