Napuno sa emosyon ang gawas sa Korte Suprema human nigawas ang resulta sa 2025 Bar Examinations gikan sa mga bag-ong abogado, higala ug mga ginikanan nga nagpaabot sa resulta.
Diin anaa sa kinatibuk-ang 5,594 ang nakapasar gikan sa 11,425 ka mga nakakompleto o examinees sa bulan sa Setyembre, tuig 2025.
Nagpasabot kini nga katumbas sa halos katunga sa kinatibuk-ang passing rate nga 48.8% sa mga bar passers sa mga bar examinations nga gipahigayon.
Nanguna sa Bar Exam kay si Jhenroniel Rhey Timola Sanchez, usa ka gradwado sa University of the Philippines nga nakakuha og overall rating nga 92.70 porsyento.
Garbo usab sa Sugbo ang naka-pwesto sa top 6 nga Jeowy Loyloy Ompad, University of San Jose Recoletos nga adunay 91.2500% rating.
Samtang, gibutyag usab ni Associate Justice Amy Lazaro- Javier nga adunay lima kabuok nga ilang gitugutan nga mokuha og exam apan na-disqualify tungod napakyas sa pagsumiter sa mga gikinahanglan nga requirements.
