CENTRAL VISAYAS-Nihimo ang Police Regional Office 7 sa Central Visayas og law enforcement operation sulod sa usa ka semana ug nasakmit ang dakong kantidad sa ilegal nga drugas, lakip ang 5,308.31 gramos nga shabu nga nagkantidad og PhP36,586,108.00, ug nasikop ang 203 ka mga drug personalities.
Nasakmit usab ang PhP43,116.00 gikan sa 338 ka mga ilegal nga sugarol ug narekober ang 139 ka mga armas nga walay lisensya ug 204 ka mga bala nga miresulta sa pagkasikop sa 15 ka mga indibidwal.
Nasikop usab sa kapolisan ang 20 ka most wanted ug 220 ka laing wanted persons base sa pending nga warrant.
Nagtumong ang PRO7 sa pagpakunhod sa mga kriminal nga kalihokan pinaagi sa 5-focused agenda sa CPNP ug sa BIDA Program sa SILG Atty. Benjamin Abalos Jr. (PRO7-PIO).
