Gibanabana sa National Food Authority (NFA) ang kapin sa tunga sa bilyon nga kita gikan sa halin niini sa bugas karong 2024.
Kini human giaprobahan sa konseho sa NFA ang pagsaka sa presyo sa P38 matag kilo nga bugas nga gibaligya ngadto sa Department of Social Welfare and Development (DSWD) ug ubang ahensya sa gobyerno.
Matud pa sa NFA, ang DSWD kinsa sakop usab sa konseho mitugot sa maong kantidad sa produkto.
Diin gituohan ni Agriculture Sec. Francisco Tiu Laurel Jr. nga makatabang kini aron mamenosan ang kapildihan sa NFA ug adunay dugang pundo nga ipalit ug dugang bugas sa mga mag-uuma.
Apan, nipasalig si NFA Administrator Larry Lacson nga dili makaapekto sa presyo sa bugas sa merkado ang pagsaka sa presyo sa DSWD, ingon man ang ubang ahensya.
