CEBU CITY-Nasakmit sa City Intelligence Unit sa Cebu City Police Office, ang kapin sa upat ka milyon ka pesos nga balor sa illegal nga drugas, gahapong adlawa Huwebes Hunyo 29, 2023 sa dalan Escaño Barangay Ermita sa dakbayan sa Sugbo.
Giila ang suspetsado nga si Julito Cabucal Cabiso alyas July, 29 anyos nga lumolopyo sa Sitio Abbya Alaska Barangay Mambaling sa dakbayan sa Sugbo.
Nakuha kaniya ang mga dagkong pakete sa gituohang shabu nga motimbang sa 605 gramos nga dunay standard drug price nga P4,114,000.00.
Matud pa ni Police Colonel Ireneo Dalogdog ang hepe sa CCPO, nga base sa ilang gihimong background investigation maka baligya si Cabiso og 3 kilos matag semana.
Dugang pa, nga kini adunay contact sa sulod sa Cebu City Jail nga subject pa sa validation.
