MANDAUE CITY, CEBU-Malipayun ang kapulisan sa Dakbayan sa Mandaue, kini gumikan kay zero crime ang mga kalihokan sa weekends nga may labot sa Kapistahan sa Siyudad sa Mandaue nga gisaulog gahapong adlawa.
Kini ang gibutyag ni Police Lt. Col. Franc Rodulf Oriol, ang Deputy City Police Director for Operations sa Mandaue City Police Station.
Matud pa ni Oriol nga nangayo sila og reinforcement gikan sa ubang Police Offices sa mga silingang Siyudad ug sa Armadong Kusog sa Nasud.
Dugang pa, nga aduna usab nitabang nga mga civilian anti-crime volunteers ug ang lainlaing ahensya sa gobiyerno ug sa mga departamento sa city hall.
Usa sa dakong kalihokan sa Mandaue mao ang Panagtagbo Festival niadtong Sabado diin gibanabana nga dul-an ang nitambong sa Street Dancing ug Ritual Showdown sa Mandaue City Sports Complex.
