CEBU CITY — Mihatag og pasidungog ang Office of the Presidential Assistant for the Visayas (OPAV) ngadto sa kapitan sa barkong MV Siargao Princess gumikan sa iyang bayanihong buhat.
Kahinumduman sa kapitan nga si Petty Officer 3 Ralph Barajan mao ang miluwas sa 62 ka mga pasahero sa MV Siargao Princess human kini mitikyaob niadtong Nobyembre 7 sa Sibonga, Cebu.
Giila ni OPAV Secretary Michael Dino ang pagkabayani ni Barajan tungod sa pagsiguro sa kinabuhi sa mga pasahero.
Matud ni Barajan nga wala kini nagpadala sa karatol sa dihang nahitabo ang maong insidente ug mas gisiguro niya ang kaluwasan sa mga bata ug mga tigulang.
Dugang pa sa kapitan sa barko nga dili kini gusto nga adunay mamatay nga pasahero sa iyang atubangan.
Gawas sa promotion ug plaque of recognition, makadawat usab si Barajan og P20,000 nga cash gikan ni Presidente Rodrigo Duterte ug Sen. Bong Go.
Gidayeg usab sa OPAV ang PCG-7 tungod sa dinali-ang pagresponde sa dihang hapit nang maunlod ang barkong MV Siargao Princess ug pagluwas sa tanang mga pasahero.
