CEBU – Hingpit nang gi-award sa Cebu Provincial Government ngadtu sa Waste Management Inc.(WMI) ang proyekto alang sa katukoran sa P9.6 MILYON Integrated Solid Waste Collector ug waste to energy Facility sa Probinsiya.
Ang maong kalamboan gipahibaw ni Cebu Provincial Governor Gwendolyn Garcia atol sa Provincial Economic Enterprise Council meeting sa kapitolyo diin personal nga gipahibalo ni Garcia nga ang WMI maoy napili batok sa lain pang mga bidders.
Gitahasan na usab ni Garcia ang hingtungdan buhatan sa kapitolyo para makig-alayon sa WMI ug aron makahimamat na niini ang mga Technical Working Group o TWG alang sa maong tukurong Waste to energy Facility sa Probinsiya diin mahimutang kini sa gipanag-iya sa kapitolyo nga luna sa Brgay. Tinaan sa Naga habagatang bahin sa Probinsiya sa Sugbu.
Una niini gusto sa Gobernadora nga mapuslan ang mga basura sa Probinsiya sa Sugbu ingon man masulbad ang nagkataas nga panginahanglanun sa source sa kurente diin subay pa sa Gobernadora tukma kaayu niini ang WAte to Energy Facility.
