CEBU – Gisubli sa kagamhanan sa probinsiya sa Sugbo ang kamanduan nga nagdili sa paglangoy ug ubang kalingawan sa mga hugaw nga tubig sa dagat sa Cordova.
Kini human niadtong Martes, Septyembre 20, niluwat si Gobernador Gwendolyn Garcia og Executive Order (EO) No. 35 nga nagdili sa publikong paglangoy ug susamang kalihokan sa mga giila nga dapit sa Barangay Catarman, lungsod sa Cordova.
Kini gumikan usa ang mga baybayon sa Barangay Catarman sa nadiskubrehan sa mga environmental regulators nga adunay dili luwas nga lebel sa fecal coliform, ug mahimong magbutang ug risgo sa panglawas sa mga manlangoy ug uban pang mga beachgoer.
Niabot ang bag-ong mga mando ni Garcia pipila ka semana human usab giawhag sa Department of Health sa Central Visayas (DOH-7) ang publiko nga likayan ang paglangoy sa maong mga dapit.
Giila sa EO No. 35 ang labing menos walo ka mga coastal areas sa Barangay Catarman nga nakita sa Environmental Management Bureau sa Central Visayas (EMB-7) nga adunay taas nga lebel sa coliform.
