CEBU – Gibarikadahan ang palibot sa Provincial Capitol sa Negros Oriental kini may kalabot na sa dakong pagsupak sa mga suporter sa pagkapildi ni incumbent Governor Roel Degamo.
Nasayran nga sa miaging piniliay niadtong Mayo 9, gipildi si DEgamo sa iyahang ka-atbang nga si Bayawan City Mayor Pryde Henry Teves.
Gibasol sa mga suporters sa napilding gobernador ang ang Commission on Elections (COMELEC) ug gi-awhag niini ang ahensya nga mopagawas na og desisyon sa urgent motion for early resolution of the motion for reconsideration nga gisang-at ni Gobernador Roel Ragay Degamo kalabot sa pagdeklara kang Ruel Degamo isip nuisance candidate.
Gikabalak-an sa maong grupo nga motumaw ang kagubot sa probinsya kung dili kini hatagan og dinaliang aksyon sa Comelec ilabi na nga gipaabot nga molingkod sa katungdanan karong Huwebes, Hunyo 30, ang mopuli kang Governor Roel Degamo nga si Governor-elect Pryde Henry Teves.
