Midonar og mga stretchers, hospital beds, ug mga laboratory equipments ang Kagamhanang Lalawigan sa Sugbo ngadto sa Rural Health Unit (RHU) sa lungsod sa Compostela sa amihanang Sugbo.
Nagtinguha kini sa pagpalambo sa kapasidad sa RHU sa lungsod nga makadalit og dekalidad nga serbisyong panglawas sa mga lumulupyo niini.
Sumala pa ni Municipal Health Officer Dr. Rhoda Mae Alfonsa Chua nga ang paanakan (birthing center) sa RHU kay maka-accommodate ngadto sa upat ka birthing deliveries kung magdungan samtang ang ilang aboratoryo kay adunay kahimanan para sa blood chemistry, urinalysis, ug X-ray procedures.
Nagdalit sab ang pasilidad ug outpatient services sama sa medical consultations ug first-aid treatment para sa mga trauma cases.
Personal nga giinspeksyon ni Cebu Provincial Governor Pamela “Pam” Baricuatro ang Compostela RHU niadtong Martes, Agosto 12, diin gisugat siya ni Compostela Municipal Mayor Felijur Quiño, Vice Mayor Froilan Quiño, ug uban sakop sa mga opisyales sa maong lungsod.
Gihimug-atan ni Gov. Baricuatro ang importansya sa accessible healthcare nga gisaysay niining wala’y ayo ang kalambuan kung naglisod ang kahimtang sa panglawas sa mga Sugbuanon.
Dugang pa niini nga dapat ang serbisyo publiko kay mulapas na sa pamolitika tungod kay humana na piniliay ug panahon na sa pag-alyado sa tanang opisyales aron makadalit og serbisyo sa katawhan.
