PROVINCE OF CEBU-Padayonon sa kagamhanang lalawigan sa Sugbo ang pagpamaligya niini sa P20 per kilo nga bugas ubos sa programang Sugbo Merkadong Barato (SMB) bisan paman nga temporaryong gipahunong sa Department of Agriculture (DA) ang national rollout niini mahitungod sa restriksyon sa eleksyon.
Kini ang gipahibalo sa Cebu Provincial Government piaagi ni Governor Gwendolyn Garcia sa ceremonial selling niini niadtong Huwebes, Mayo 1 diin giklaro niya nga ang subsidized rice initiative kay dili maigo sa suspension sa eleksyon kay aduna na kiniy nakuha nga exemption gikan sa Commission on Elections (Comelec).
Giinsister sa gobernadora nga ang SMB program sa Kapitolyo kay hagbay rang gilusad sa wala pa ang campaign season hinungdan nga aduna kini clearance na sa Comelec.
Gani sa pamulong niini nga ang hilabihang makabenipisyo sa maong programa mao ang mga kabus nga mga Sugbuanon aron sa ilang ikahukad ma-adlaw-adlaw sa ilang panimalay.
Kahinumduman nga sayo karong semanahuna nga gilusad sa DA ang P20 per kilo rice program sa Visayas diin gisugdan kini sa Sugbo apan sumala pa kang Agriculture Secretary Francisco Tiu Laurel Jr. nga ang ilang ahensya sa muhunong usa sa nationwide implementation niini aron in compliance sa Comelec guidelines og pagabalikon liwas na sa adlaw sa piniliay.
Nagtinguha kini aron makalikat sa mga potensyal nga mga legal nga hagit kung ipadayon ang programa.
