PROVINCE OF CEBU-Nagpinirmahay ang mga opisyales sa kagamhanang lalawigan sa Sugbo ug ang Camotes Island Power Generation Corporation (CAMPCOR) sa kasabutan nga makahatag na og koleksyon ang Kapitolyo sa pundong nalikom sa maong kumpanya.
Ang maong pagdagdaay sa Memorandum of Agreement (MOA) kay nahitabo sa Governor’s Office sa Kapitolyo sa Sugbo sa ilang panagtigom niadtong Biyernes, Enero 10, 2025.
Gipangunahan kini ni Cebu Provincial Governor Gwendolyn Garcia ug ang Presidente sa CAMPCOR nga si Engr.Jose Rommel Orillaza nga naglatid sa pag-istablisar og trust accounts diin dinhi i-deposit ang bayad.
Kini nga mga trust fund accounts kay para sa Development and Livelihood Fund (DLF) ug sa Reforestation, Watershed Management, Health and Environment Enhacement Fund (RWMHEEF) nga suay sa lagda sa Energy Regulation sa Department of Energy (DOE).
Gisaksihan ang maoy pagnilagdaay sa MOA ni Cebu 5th District Board Member Andre “Red” Duterte.
Gitahasan ang CAMPCOR sa pag-remit og quarterly financial contributions ngadto sa Kapitolyo base sa halin niini og pamaligya og kuryente sa isla sa Camotes.
Ang pag-istablisar sa mga trust accounts nagsiguro nga ang mga pundo kay transparent madumala diin ang kagamhanang lalawigan maoy responsible sa pagmentinar niin subay sa guidelines sa DOE.
Ang CAMPCOR maoy supplier of kuryente sa mga lungsod sa isla sa Camotes sulod sa 15 ka tuig uban sa Camotes Electric Cooperative, Incorporated (CELCO).
