-- ADVERTISEMENT --
CEBU – Gihangop sa mga law enforcers sa Sugbo ang pagpasar sa Sim Card Registration Law kay seguradong makatabang kini sa ilang imbestigasyon ilabi na sa mga scam ug bomb threats.
Kini ang gibutyag ni Police Colonel Ireneo Dalogdog, hepe sa Cebu City Police Office (CCPO), nga seguradong makatabang kini nila sa pagsulbad sa mga nasangpit nga isyu, nga miangkon nga wala magkinahanglan og kahimanan ang mga lokal nga pulis sa pag-trace sa maong mga sad-an ilabi na sa mga hulga sa bomba.
Samtang sa bahin usab ni Police Colonel Peter Tagtag Jr., bag-ong hepe sa Criminal Investigation and Detection Group in Central Visayas (CIDG-7), nga pabor kaayo kanila kining maong balaod kay sagad kanila makadawat og mga taho sa mga biktima sa scam.
