CENTRAL VISAYAS-Dili pa makapauli dinhi sa Sugbo ang gatusan ka mga police nga gipadala sa mga probinsya sa Bohol ug Negros Oriental nga nag bantay sa seguridad alang sa Barangay ug Sanguniang Kabataan Election kay ipakatap pa sila sa mga nag unang sementeryo sa maong mga lalawigan.
Matod ni Police Lieutenant Colonel Gerard Ace Pelare ang spokesperson ni Police Brigadier General Anthony Aberin hepe sa kapulisan sa Central Visayas nga naka set up na ang ilang security preparation gikan sa BSKE mo shift na sila sa Oplan Undas.
Kung diin ang maong mga police nga nadestino sa mga polling centers nga sayo nga nahuman mopahuway silag sayo aron karung adlawa Nobembre 1, 2023 ang menteryo na usab ang ilang bantayan.
Aron masiguro nga naka han-ay na ang security sa kalag-kalag ang hepe sa PRO-7 uban sa kapulisan sa dakbayan sa Sugbo sa pagpangulo ni Police Colonel Ireneo Dalogdog mi inspeksyon sa mga dagkong sam-ang sa dakbayan.
Matod ni Police Lieutenant Colonel Janette Rafter deputy city director for operation sa Cebu City Police Office nga ila nang gi plano kinsa nga mga personnel ang ipakatap sa kalag-kalag aron dili ma bun-og ang ilang mga police.
